Hasieratik bertatik, Erriberriko Antzerki Klasikoko Jaialdiak egitarau orokorra izan du: kalitatezko antzezlana eta kalitatezko testua bilatzen duten ikus-entzuleei eskainitako lana da, eta, era berean, Erriberriko gazteluaren ingurune bereziaz gozatzeko aukera ezin hobea.

Jaialdia egiteko, bi agertoki daude aire zabalean. Batetik, La Cavan dagoena, formatu handieneko ekoizpenetarako; 700 ikus-entzulerentzako tokia duena. Eta, bestea, San Pedroko Klaustro liluragarri eta lasaia, formatu txikiko lanetarako, edo antzezlanaren ezaugarriak direla tarteko, ikus-entzuleak hurbil egotea behar den ikuskizunetarako.

Erriberriko Antzerki Klasikoko Jaialdia Nafarroako Gobernuko Kultura eta Turismo Departamentua - Vianako Printzea Erakundeak zuzenean kudeatutako programa da, eta Erriberriko Udala, Cementos Portland Valderrivas enpresa eta Nafarroako Autobideak izan dira babesleak. Laguntzaileak, berriz, ondokoak: Paradoreak eta Nafarroako Ardoaren Jatorri Izendapenaren Kontseilu Arautzailea.