Lankidetza Ekonomikoa

Txirotasuna (dimentsio guztietan) errotik kentzen laguntzea du xede, GGKEei eta tokiko bazkideei finantza-laguntza emanda garapenaren aldeko mikroekintzak, proiektuak eta programak egiteko Nafarroako Gobernuaren lankidetza jasotzen duten herrialdeetan.

Lankidetza Teknikoa, Heziketa eta Ikerketa

Modalitate berri honen helburua lankidetza-proiektuak eta –programak gauzatzeko indartzea eta beharrezko gaitasunak sortzea da. Horretarako, GGKEen eta tokiko bazkideen eskura jartzen dira laguntza teknikoaren, heziketaren eta ikerketaren arloko adituen ezagutza eta esperientzia.

Laguntza Humanitarioa

Modalitate hau laguntza humanitarioko programak eta proiektuak laguntzera bideratuta dago, hondamendi naturalen edo giza jatorriko gatazken ondorioz larrialdi-egoeran edo arrisku larrian dauden herriei lagundu eta horiek zaharberritzeko.

Garapenerako Hezkuntza

Esku hartzeko modalitate honen bidez, munduan gaur egun bizi dugun elkarmenpekotasun egoeraren eta garapenaren arrazoien eta efektuen ezagutza sustatu nahi da. Modu horretan, nazioarteko harremanen aldeko jarrera eta balio positiboak sortu eta herritarren konpromisoa sustatu nahi dira.