Castellano | Euskara | Français | English
Hauteskunde Mahaietan, zenbaketa Hauteskunde Araubide Orokorrari buruzko Lege Organikoaren arabera egingo da. Ziurtagiria Foru Komunitateko Administrazioak izendatutako pertsonari igorriko zaio, bakarrik, Nafarroako Gobernuak eman beharko dituen hauteskundearen behin-behinerako emaitzei buruzko informazioa emateko ondorioetarako.
Bozketaren ondorengo hirugarren egunean, Nafarroako Hauteskunde Batzorde Probintzialak zenbaketa orokorra egingo du, eta bere presidentearen bidez, Parlamentuari hautesle izendatutako foru parlamentarien zerrenda bidaliko dio, eta horietako bakoitzari, dagokion kredentziala igorriko die.