Castellano | Euskara | Français | English

Bilatzaile berria erabili! Bilatzailea

Nola bozkatu

• Arau orokorrak
• Posta bidezko botoa

Arau orokorrak

Hauteskunde eguna baino lehen, komenigarria da hauteskunde erroldan izena emanda bazauden egiaztatzea. Hura hainbat egunez  udaletan jartzen da ikusgai. Erakutsitako datuekin desadostasunik izanez gero, erreklamazioa egiten ahal da udalean berean eta gero Hauteskunde Bulegoak dagokion ebazpena emanen du. 

Hauteskundearen egunean, dagokizun hauteskunde-ikastetxera joan beharko zara. Hura 9etatik 20etara zabalik izango da. Hautesleak banaka hauteskunde-mahaira gerturatuko dira, hala izanez gero, bozkatzeko kabinatik pasa ondoren, eta euren izen abizena jakinaraziko diote mahaiaren presidenteari.

Bokalek eta ikuskatzaileek hauteslearen datuak egiaztatuko dituzte. Horretarako, hautesleak honako agirietako bat eramango du:

• Nortasun Agiri Nazionala (N.A.N.).
• Pasaportea (argazkiarekin).
• Gida-baimena (argazkia).
• Egoitza txartela, Europako Batasunaren hiritarra izanez gero.
• Atzerritarren txartela, Norvegiako hiritarrak izanez gero.

Ez du axolarik agiri horiek iraungita egotea, baina jatorrizkoak izan behar dira. Fotokopiek ez dute balio.

Europako Batasunaren eta Norvegiako nazionalek ezingo dute hauteskunde autonomikoetan bozkatu. Bakarrik udal hauteskundetan eta Nafarroako Kontzejuetarako hauteskundetan bakarrik bozkatzerik izango dute.

Botoa isilezkoa da. Hautesleak berak presidenteari itxitako bozkatze gutun-azal edo gutun-azalak entregatuko dizkio. Irakurtzen ez dakiten hautesleek, edo akats fisikoa dela eta, txartela aukeratu, gutun-azalean sartu edo presidenteari entregatu ezin diezaioketenek euren konfiantzazko pertsonari laguntza eskatu diezaiokete.

Hautesleak bere izen-abizena boto emaileen zenbakidun zerrendan ondo idatzi dituztela egiaztatzeko eskubidea dauka. Hautesleek ez dute deialdia egindako hauteskunde guztietan nahita nahiez bozkatu behar: horietako batzuetan bakarrik bozkatu dezakete, hala nahi badute. Baina bozkatu eta gero ezin da beranduago itzuli bozkatu ez diren hauteskundeetan botoa emateko.

Honako hauek baliogabeko botoak izango dira:

• Eredu ofizialekoak ez diren gutun-azaletan edo txarteletan igortzen direnak.
• Gutun-azaleko txartelak.
• Kandidatura desberdinetako txartel bat baino gehiago dituzten gutun-azalak (kandidatura berbereko txartel bat baino gehiago sartuz gero, boto baliodun bakartzat joko da).
• Aldatutako gutun-azaletan igortzen direnak.
• Aldatu, erantsi, markatu edo kandidaturen izena ezabatu diren txartelak, ipintze-hurrenkera edo bestelako aldaketak eginez.
• Udal eta kontzejuetako hauteskundetan, 100 eta 250 biztanle bitarteko udalerrietan lau hautagai baino gehiago markatu diren txartelak. Hala ere, bat, bi, hiru edo lau izen markatzen direnak baliogarriak izango dira.

Honako hauek boto zuriak izango dira:

• Txartelik ez duten gutun-azalak.
• Hautagairik markatu ez diren txartelak, 100 eta 250 biztanle bitarteko udalerrietarako hauteskundetan eta kontzeju irekiaren araubidean.

igo

Posta bidezko botoa

Garrantzitsua da jakitea, Correos bulegora posta bidezko botoa eskatzera joan ondoren, ezin dela eskaera hori baliogabetu eta, horrenbestez, ezin da pertsonalki hauteskunde eskolan bozkatu.

Espainian bizi direnen posta bidezko botoa

Hauteskundeen egunean bozkatzerako eskubidea aitortzea dagokien herrietan egongo ez direla aurreikusten duten hautesleek edo bertan agertu ezin direnek, euren botoa postaz bidali dezakete. Horretarako, aurretik, honela eskatu beharko diote Hauteskunde Erroldako Bulegoaren Ordezkaritza Probintzialari (Barañaingo etorbidea, 11 atz - 31008 Iruña 948 17 40 76):

• Hautesleak dagokion Ordezkaritzari, deialdiko datatik aurrera eta gehienez hauteskundearen aurreko hamargarren eguna arte, Erroldan izena ematearen ziurtagiri bat eskatuko dio. Aipatutako eskaera Correos enpresaren edozein bulegotan egingo da, bertan emandako inprimaki baten bidez. Eskaera pertsonalki gauzatu beharko da eta horretarako Nortasun Agiri Nazionala aurkeztu beharko da. Eskaera pertsonalki egitea eragozten dion gaixotasuna edo minusbaliotasuna izanez gero, (hori medikuaren ziurtagiriaren bidez egiaztatu beharko da), eskritura publikoaren bidez baimendutako beste pertsona batek egin ahal izango du. Hauteskunde-Batzordeak sendagilea eta notarioa jendearen eskura jarriko ditu, egoki bada.
  
• Eskura egon bezain pronto, Hauteskunde Erroldako Bulegoak, posta ziurtatuaren bidez, hautesleari, deialdia ondorengo hogeita hamalau egunetik aurrera eta aurreko seigarren eguna baino lehen, hauteskundeetarako txartelak eta gutun-azalak bidaliko dizkio, erroldan izena ematearen ziurtagiriarekin eta bozkatzea dagokion mahaiaren helbidea adieraziko duen gutun-azal batekin batera.
  
• Hautesleak aukeratu edo, hala badagokio, botoaren txartela bete ondoren, bozkatzeko gutun-azalean sartu eta itxiko du. Hauteskunde bat baino gehiagorako deialdia egin bada, modu berberean jardun beharko du horietako bakoitzerako. Bozkatzeko gutun-azala edo gutun-azalak eta ziurtagiriak sartuko ditu mahaiari zuzenduriko gutun-azalean eta posta ziurtatuaren bidez bidaliko du, nolanahi ere, hauteskundeak egin baino hirugarren eguna baino lehen. Gutun-azalak ez du frankeorik behar.

Nafarroako Parlamenturako posta bidezko botoa kanpoan dagoen egoiliarrentzat

Atzerrian bizi diren egoiliarrei dagokienez, Hauteskunde Erroldaren Ordezkaritza Probintzialek bertan ez daudenen egoiliarren erroldan izena emandakoei, ofizioz, Erroldan izena emana egotearen ziurtagiri bat eta bozkatzeko txartelak eta gutun-azalak, eta Hauteskunde Batzorde Probintzialaren helbidea adierazi behar den gutun-azal bat bidaliko dizkiete.

Hautesle hauek euren bozkatzerako eskubidea Espainiako egoiliarren postaz bozkatzeko ezarritako prozeduraren arabera aitortuko dute. Dagokion Hauteskunde Batzordeari zuzenduriko gutun-azala bidali beharko dute, posta ziurtatuaren bidez eta hauteskundearen bezpera baino lehenago. Boto horiek baliogarriak izan daitezen, mahaiari zuzenduriko gutun-azalean Ez Dauden Egoiliarren Errolda Berezian izena emanda egotearen ziurtagiria bidali beharko da nahita nahiez.

Udaletarako posta bidezko botoa kanpoan dauden egoiliarrentzat

Udal hauteskundeei dagokienez, ez dauden egoiliarrek dagokien Hauteskunde Erroldaren Bulegoko Ordezkaritza Probintzialari jakinarazi beharko diote, hauteskundeko deialdiaren ondorengo hogeita bosgarren eguna baino lehen eta aipatutako Ordezkaritzak erroldan izena emateko ziurtagiri bat, botatzeko txartel zuri bat, udalerrian hautatutako kandidaturen berri ematen duen probintziako Aldizkari Ofizialeko orria edo orriak, bozkatzeko gutun-azala eta dagokion hauteskunde-mahaia adierazten duen gutun-azala bidaliko dizkie.

Hautesle hauek bozkatzeko eskubidea aitortuko dute kanpoan dauden egoiliarrentzat, Nafarroako Parlamenturako ezarritako prozedura berberaren bidez

igo

Nafarroako Gobernua

Jar zaitez gurekin harremanetan | Erabilerraztasuna | Lege abisua | Webaren mapa