Lehendakaritza, Justizia eta Barne
Departamentua
Castellano | Euskara | Français | English
Departamentua
LEHENDAKARITZA, JUSTIZIA ETA BARNE DEPARTAMENTUA
Lehendakaritza, Justizia eta Barne Departamentuaren egoitza.
Lehendakaritza, Justizia eta Barne Departamentuari dagokio Foru Erkidegoko Administrazioak hiru arlo handi horietan dituen eskumenak eta Funtzio Publikoaren arloari dagozkionak gauzatzea. Eginkizun zehatzetan, honako hauek dira aipatzekoak:
- Lehendakariari eta Gobernuari laguntzea, Nafarroako Parlamentuarekiko eta beste erakunde batzuekiko harremanak bideratzea, departamentuen arteko koordinazio juridikoa bermatzea, administrazioa modernizatzea, Nafarroako Aldizkari Ofiziala, foru zuzenbide zibila eta hauteskunde prozesuak.
- Gobernuak Funtzio Publikoaren esparruan gauzatu beharreko politikak proposatzea eta exekutatzea.
- Herritarren segurtasun; zirkulazioko polizia; bide segurtasuna; babes zibila eta larrialdien arreta; suteen prebentzioa eta itzaltzea, eta salbamendua; jokoa eta ikuskizunak.
- Nafarroako Justizia Administrazioa modernizatzea, herritarrek babes judiziala eskuratzeko neurri eraginkorrak ezartzea, delituaren biktimei laguntza ematea eta delinkuenteak berreztea eta bergizarteratzea.
Departamentua honako organo hauetan banatuta dago:
- Lehendakaritzaren Zuzendaritza Nagusia
- Funtzio Publikoaren Zuzendaritza Nagusia
- Barne Zuzendaritza Nagusia
- Justizia Zuzendaritza Nagusia
- Idazkaritza Nagusi Teknikoa
- Nafarroako Administrazio Auzitegia (Orrialdea eraikitzen)
- Modernizazio eta Administrazio Elektronikoaren Zuzendaritza Nagusia
- Nafarroako Administrazio Publikoaren Institutua
Tronu Aretoa.
Egoitza
Departamentuaren egoitza nagusia Nafarroako Jauregia da; Karlos III.aren Etorbideko 2. zenbakian dago eraikin hori, Iruñean, eta izaera nabarmenki instituzionala du.
Kutsu neoklasikoko eraikin historiko eta artistikoa da; eraikuntza lanak 1840. urtearen amaieran hasi zituzten, Karmeldar Oinutsen Komentua zegoen orubean, Jose de Nagusia arkitektoaren proiektu batean oinarrituta.
Fatxada nagusia, gaur egun Sarasate Pasealekura ematen duena, ia guztiz amaituta zegoen 1850. urtearen erdialderako. Lorategi esparrua osatzeko, San Ignazio Basilikari atxikitako baratze ia osoa erosi zuten 1851n.
1851ko abenduaren 4an, lanak hasi eta hamaika urtera, egin zen Aldundiaren lehenengo saioa Jauregi berrian.
XX. mendean, Bigarren Zabalgunerako trazatu berriaren ardatz nagusi gisa proiektatutako Karlos III.aren Etorbidea zabaldu zuten, eta horrekin batera, Jauregia eraberritzea proposatu zen. Proiektuaren irabazleak Jose eta Javier Yarnoz Larrosa arkitektoak izan ziren, 1929ko ekainaren 12an epaimahaiak hartutako erabakiaren arabera. Jauregia zabaltzeko eta barnealdeko berrikuntzak egiteko lanei 1934ko ekainaren 1ean heldu zieten berriro, Fructuoso Orduñak fatxada berrirako egindako eskultura multzoa inauguratu zutenean. (Informazio gehiago).
Departamentuak honako beste gune hauetan ere baditu aretoak eta bulegoak, egoitza nagusian ez ezik: Justizia Zuzendaritza Nagusia (Iratxeko Monasterioa, 22), Barne Zuzendaritza Nagusiaren hainbat zerbitzu, adibidez Ibilgailuen Atala, edo Foruzaingoa eta hainbat herritako polizia etxeak, baita suhiltzaile etxeak ere. Jauregitik kanpo daude, halaber, Nafarroako Administrazio Auzitegiaren (Iturraran, 10) eta Nafarroako Administrazio Publikoaren Institutuaren egoitzak, Kultura eta Turismo Departamentua-VPEren egoitzarekin batera (Navarreria kalea, 39, Iruñea), baita NAOren egoitza ere (Leire, 6 -4. solairua).