Informazioa jaso eta agiriak zuzenean kontsultatzeko, beharrezkoa da eskatzailea nor den egiaztatzea identifikazioko agiri ofizial baten bidez: NANa edo pasaportea, eta eskaeraren arrazoia justifikatu beharko da.

Kopia digitalak eskuratzen ahalko dira, agiriaren formatoak eta egoerak horretarako aukera ematen badute.

Agirien kopiak egiteko muga batzuk badira, indarra duen legerian eta liburutegi bakoitzaren barreneko arauetan ezarrita daudenak, bilduma modu egokian erabiliz hobeki zaintzeko asmoz.

Kopietarako eskaerak Nafarroako Liburutegi Nagusiko Ondare Bibliografikoaren Bulegoari zuzenduko zaizkio, hura arduratuko baita liburutegi pribatuekin egin beharreko kudeaketa lanaz eta ikertzaileari baldintzen eta prezioen gaineko argibideak emateaz.
Inprimakiak kopiatzeko baimenak aldi baterako bakarrik balioko du.

Kopia guztiek beren copyright eskubidea izanen dute, ikertzaileak errespetatu beharko duena.

Bi zerbitzuetarako eskaerak helbide honetara igorri behar dira:

Nafarroako Gobernua
Nafarroako Liburutegi Nagusia
Ondare Bibliografikoaren Bulegoa
San Frantzisko plaza, z.g.
31001 Iruña
Helbide elektronikoa: bgnpabib@cfnavarra.es
Telefonoa: (34) 848427762
Faxa: (34) 848427788